ജീവിതം = പ്രാർത്ഥന + പ്രവൃത്തി 

യേശുവേ ആരാധന യേശുവേ സ്തോത്രം 

യേശുവേ മഹത്വം നന്ദി ചൊല്ലീടുന്നു ഞാൻ 

ആരാധീച്ചീടാം കർത്താവാം യേശുവിനെ 

സ്തോത്രഗാനങ്ങൾ ആലപിച്ചീടാം 

നാഥൻ നല്കിയ നന്മകൾക്കേതിനും 

നന്ദി ചൊല്ലീടുന്നു ഞാൻ നിൻ തിരുസന്നിധിയിൽ 

പരിശുദ്ധാതമാവേ എന്റെ സഹായകനെ 

എന്നെ സഹായിക്കണേ നിത്യവും കാത്തീടണെ 

സ്നേഹിച്ചീടുക നിങ്ങൾ തമ്മിൽ തമ്മിലെന്നും 

ദ്രോഹമരുതെ നിൻ സോദരരോടൊന്നും 

ദൌത്യങ്ങൾ ചെയ്തീടുക ദൈവഹിതമറിഞ്ഞ് 

പ്രാർത്ഥനയും നൽചെയ്തികളും  നിത്യജീവനേകും

Lyrics, Music and Singer: Nimmi Alexander

• ക്രിസ്മസ് ഗാനം, 2024 

ബെത്ലെഹെമിലെ കാലിത്തൊഴുത്തിൽ 

നമുക്കായി പിറന്ന രക്ഷകൻ 

നമ്മുടെ രാജാദിരാജാവ് 

ഹലേലൂയ പാടിടാം 

ദൂരെ നിന്നും രാജാക്കന്മാർ 

ഉണ്ണീശോയെ കാണാനായി വന്നീടുന്നു 

പൊന്നും മീറയും കുന്തുരുക്കവും 

കാഴ്ചവച്ചവർ വണങ്ങിടുന്നു 

ആട്ടിടയന്മാർ ഉണ്ണിയെ കണ്ടു 

 ആനന്ദനൃത്തം ചെയ്തീടുന്നു 

മാലാഖമാർ ആമോദത്താൽ 

സ്തുതിഗീതങ്ങൾ പാടിടുന്നു 

Lyrics: Nimmi Alexander 

14/2/2024

       ചതിക്കാത്ത പ്രണയം

 പ്രണയിക്കുക നാം ഒരു മനമായി

സ്നേഹിക്കുക അതിർവരമ്പുകളില്ലാതെ

അറിഞ്ഞിടുക ഇഷ്ടങ്ങൾ പരസ്പരം

പങ്കിടുക പൂർണമാനസ്സോടെ

                 ഋതുഭേതങ്ങൾ  വന്നുപോകും നാളിൽ

                 നമ്മുടെ പ്രണയമെന്നും വസന്തമായിടട്ടെ

                 നശ്വരമായ പ്രണയം ഒരിക്കലും

                 വേർപിരിയുന്നില്ല ജീവനിൽ

വിശ്വസ്തതയും നിഷ്കളങ്കവുമായുള്ള പ്രണയം

ജീവിത വിജയത്തിന് ആവശ്യം

സത്യമായ പ്രണയം ഒരിക്കലും

ചതിക്കപ്പെടുന്നില്ല  നമ്മളിൽ

 (നിമ്മി അലക്സാണ്ടർ)

5/2/2024

                ലഹരി                                                               

ജീവിത വിശ്രമ വേളകളിൽ

ലഹരി നുണയുന്നു ഞാൻ

ഉന്മാദവും ഉത്തേജനവും നല്കുന്ന

സന്തോഷ ലഹരി

ഈ ലഹരിതൻ സാമീപ്യം

മനസ്സിന് കുളിർമ നല്കിടുന്നു

ലഹരിയാകുന്ന പൂക്കളും പുഴകളും

കണ്ണിനും മനസ്സിനും സായൂജ്യം

ലഹരിയെന്നത് നന്മയിൽ നിന്നെങ്കിൽ

ജീവിതമെത്ര സുന്ദരം

അത് തിന്മയിൽ നിന്നെങ്കിലോ

ജീവിതമെത്ര നാശം

 (നിമ്മി അലക്സാണ്ടർ)